Maroku ka shënuar fitore të madhe dhe që nuk matet as me ari në përballjen me Skocinë, me rezultat 1:0 në kuadër të xhiros së dytë të Grupit C të Kampionatit Botëror. Maroku është i kualifikuar në rrethin e tretë me këtë trepikësh të madh.
Skocia u përpoq maksimalisht, por nuk arriti të nxjerrë të paktën një pikë, pas edhe fitores së saj në xhiron e parë.
Skocia – Maroku 0:1
Stadiumi “Gillette”, Boston.
Gjyqtar: I. Tantashev (Uzbekistani).
Shikues: 65.000.
Shënues: Saibari (2′).
Kartona të verdhë: Robertson – Diop.
Skocia: Gunn – Hendry, Hanley, Tierney (Gannon-Doak60′) – Patterson (Ralston 89′), McTominay, Ferguson, Robertson, Christie (McLean 71′), McGinn (Stewart 89′) – Adams (Dykes 71′).
Maroku: Bono – Hakimi, Diop, Riad, Mazraoui – El Aynaoui, Bouaddi, Brahim Diaz (Amaimouni 84′), Ounah (El Mourabet 90′), El Khannouss (Talb 84′) – Saibari (Rahimi 84′). Në minutën e 2-të, Ismael Saibari futet në zonën e 16-shit dhe nga afërsia, nga një kënd i vështirë, realizon golin për Marokun.
Në minutën e 51-të, Saibari ishte përsëri pranë golit, duke u gjendur brenda zonës në një pozitë ideale, por goditja e tij u ndal nga shtylla e epërme e djathtë, duke i mohuar golin e dytë personal.
Maroku kryeson Grupin C me 4 pikë, duke lënë pas Skocinë me 3, Brazilin me 1 (një ndeshje më pak) dhe Haitin me 0 pikë (gjithashtu një ndeshje më pak).
Në xhiron e tretë, më 25 qershor, Skocia takohet me Brazilin, ndërsa Maroku do të sfidojë Haitin në ndeshjen e fundit të grupit./K.Goca/BS
