Përgatiti Dashnim Hebibi
Ambasadori i Kosovës në Mbretëria e Bashkuar, Ilir Kapiti, ka pritur në ambientet e Ambasada e Republikës së Kosovës disa nga studentët e Kosovës përfitues të programit Chevening Scholarship, siç njofton HelveticALForum.
Ai e përshkroi takimin me këto fjalë:
“Isha shumë i kënaqur të takoja sot disa nga studentët e ‘Chevening Scholarship’, të cilët janë duke ndjekur studimet në universitetet më të mira në Mbretërinë e Bashkuar.
Thellësia e angazhimit të tyre me çështjet aktuale është vërtet mbresëlënëse. Diskutimet që zhvilluam reflektuan një nivel të lartë të mendimit kritik, si dhe një gatishmëri për të kontribuar në mënyrë konkrete në zhvillimin e Kosovës. Njohuritë dhe perspektivat që këta studentë po fitojnë jashtë vendit janë tejet të rëndësishme dhe përbëjnë një vlerë të shtuar për shoqërinë tonë.
Ky takim ishte një mundësi e shkëlqyer për të dëgjuar nga afër përvojat e tyre akademike dhe profesionale, si dhe për të ndarë ide mbi mënyrat se si këto përvoja mund të përkthehen në iniciativa konkrete në Kosovë.
Ambasada e Republikës së Kosovës mbetet e përkushtuar për të mbështetur rrugëtimin dhe suksesin e tyre, duke i inkurajuar që të vazhdojnë të jenë ambasadorë të vlerave dhe potencialit të vendit tonë.
Ju lumtë!”
