Të gjitha rrugët të çojnë te Alison. Është një kohë reflektimi te Juve, analiza të thella për të hartuar një rrugë të re drejt suksesit.
Në klub, ata duan të shmangin një tjetër përpjekje të dështuar dhe me idenë e fillimit të një epoke të re, këtë herë me më shumë strukturë sesa vitet e fundit janë gati të riorganizojnë kartat në frontin e portierëve.Di Gregorio nuk ka qenë bindës dhe Perin e ka bërë të qartë në disa raste se ai synon të largohet për të luajtur.
Menaxhmenti po punon për të gjetur zgjidhjen më të mirë dhe më të besueshme të mundshme. Në këto kushte një portier është i domodoshëm në skuadrën bardhezi. Kjo pasi edhe Perin nuk është se bind shumë. FAKTORI SPALETI Alison Beker u bë një mundësi kur filluan të përhapeshin spekulime se portieri i Liverpulit mund të mos ishte më në qendër të planit të Reds. Portieri ka një kontratë deri në vitin 2027, kështu që nuk ka nevojë të menjëhershme për një transferim.
Por ka shumë hapësirë për një marrëveshje. Spaleti, i cili e njeh atë nga koha e tij te Roma dhe vlerëson performancën e tij në vitet e fundit, hyn në lojë. Juve duhet të përqendrohet te një lojtar i nivelit të lartë, dhe përvoja ndërkombëtare e Alison krijon kushtet ideale për planifikimin e investimit.
Portieri brazilian ka një pagë të konsiderueshme, rreth 6 milionë euro.
Megjithatë, kjo shifër është brenda mundësive të Juventusit, pasi ata janë të gatshëm të bëjnë një sakrificë për mundësinë dhe sigurinë e një portieri të besueshëm. I vetmi parametër që klubi synon të respektojë është limiti i pagës prej 7 milionë eurosh i Jildiz. Nëse Spaleti arrin të bindë Alison dhe Liverpul hapet ndaj idesë së shitjes së tij, shkurt, gjërat do të bëhen menjëherë më të lehta për Juventusin.
Megjithatë ashtu si duken punët edhe Liverpuli nuk është se ka donjë dëshirë të madhe të mbajë ende Aloson. Në fakt ata që bënë sezonin e shkuar bënë përpjekje për të gjetur një portier tjetër, gjë e cila nuk e realizua./BS
