Krishtlindje të bardha: Në cilat qytete janë më të mundshme?
Shumë njerëz dëshirojnë çati e rrugë të mbuluara me dëborë për Krishtlindje. Të dhënat historike tregojnë tani se ku kjo ndodh më shpesh – dhe ku festat e bardha janë të rralla.
Që në vitin 1941, Bing Crosby këndoi ëndrrën e Krishtlindjeve të bardha. Edhe pse festat zakonisht kalohen brenda, dëshira për një peizazh dimëror të mbuluar me “sheqer pluhur” mbetet e madhe. Platforma e udhëtimeve Omio ka analizuar të dhëna historike të motit nga 50 vitet e fundit të MeteoSchweiz dhe ka llogaritur për 20 qytete zvicerane gjasat që në tre ditët e Krishtlindjeve të ketë dëborë, transmeton 20min.ch.
A ka pasur më shumë Krishtlindje të bardha dikur?
Sipas Omio-s, në kulturën perëndimore Krishtlindjet lidhen fort me borën – një imazh i formësuar edhe nga mediat dhe paraqitjet kulturore. “Kujtimet selektive për Krishtlindjet e bardha të së kaluarës përforcojnë bindjen se dikur binte dëborë më shpesh.” Por krahasimi i periudhave 1975–1999 dhe 2000–2024 nuk e mbështet plotësisht këtë ide. Dikur nuk ka pasur shumë më tepër Krishtlindje të bardha sesa sot. Në Cyrih dhe Schaffhausen madje bie paksa më shpesh dëborë sot se në të kaluarën.
Moti i Krishtlindjeve mbetet i pasigurt
Sipas MeteoSchweiz, një trend fillestar temperaturash tregon se javët e ardhshme të dhjetorit mund të jenë mesatarisht pak më të ngrohta se zakonisht. Por nga kjo nuk mund të nxirren përfundime nëse pikërisht gjatë ditëve të Krishtlindjeve do të jetë më ftohtë apo më ngrohtë se zakonisht – dhe rrjedhimisht nëse shanset për Krishtlindje të bardha janë të mira ose jo. “Është ende shumë herët për një parashikim të parë të besueshëm. Parashikimet e sakta ditore mund të bëhen vetëm rreth një javë para Krishtlindjeve.”, transmeton 20min.ch. / HelveticALforum.ch
(Foto ilustrim)
