Këtë fundjavë do të zhvillohet në Abu Dhabi eventi UFGC-321 në artet marciale mikse.
Një tjetër event i madh, me dy duele të rëndësishme për titullin kampionë bote, që pritet të dhurojnë spektakël në kafaz.
Sfida kryesore është ajo për titullin kampion bote në peshën e rëndë për meshkuj, ku kampioni në fuqi Tom Aspinall do përballet me Ciryl Gane. Një përballje që duket se nuk ka favoritë, pasi të dy janë të rrezikshëm në kafaz.
Aspinall (15 fitore e 3 humbje), ka më shumë se një vit që nuk duelon në kafaz (korrik 2024 hera e fundit, kur mbrojti titullin e përkohshëm) dhe mori titullin pas tërheqjes së Jon Jones. Për të kjo mbetet sfida kryesore e karrierës. Gane (13 fitore e 2 humbje në kafaz), pasi dështoi dy herë të marrë titullin e këtij Divizioni (ndaj Ngannou dhe Jones) shpreson që kjo të jetë e treta e vërteta. Edhe ai nuk duelon në kafaz prej 10 muajsh.
Te femrat interesante sfida për titullin vakant të peshës “strawweight” (pesha 48-52kg). Përballë njëra-tjetrës do të duelojnë dy luftëtaret braziliane Virna Jandiroba dhe Mackenzie Dern, që duelojnë sërish mes tyre pas 5 vitesh.
Në duelin e vitit 2020 pat fituar Dern (15 fitore e 5 humbje në kafaz), ndërkohë që Jandiroba (22 fitore e 3 humbje) do të kërkojë fitoren në revansh. Gjithsej në këtë event do të zhvillohen 14 duele.
UFC-321, duelet kryesore
Tom Aspinall – Ciryl Gane
Virna Jandiroba – Mackenzie Dern
Umar Nurmagomedov – Mario Bautista
Alexander Volkov – Jailton Almeida
Aleksandar Rakic – Azamat Murzakanov /BS
