Anis Mehmeti e ka nisur në mënyrën më të mirë të mundshme këtë edicion me fanellën e Bristol Sitit në Championshipin anglez. Shqiptari gjeti rrugën e rrjetës në duelin ndaj Shefild Junajtid në transfertë, ku skuadra e tij triumfoi me rezultatin 1 me 4.
Në minutën e 46-të, pas një harkimi të Ris nga e djathta, Mehmeti arriti të shënonte një gol mjaft të bukur falë një kordimini perfekt brenda zonës, duke ngritur shifrat në 1 me 3.
Në edicionin e kaluar 24-vjeçari u aktivizua 44 ndeshje me fanellën e Bristol Sitit në Championship, duke shënuar 12 gola si dhe regjistroi 1 asist.
Mehmeti numëron 3 ndeshje me fanellën e Kombëtares shqiptare. Vlera e tij në treg sipas “Transfermakt” është 7 milionë euro, transmeton panorama.
