/ Nga Shaip KAMBERI, Bujanoc
Ana Brnabić, kryetarja aktuale e Parlamentit dhe ish-kryeministrja e Serbisë, gjatë deklaratave të saj në seancën e sotme, në të cilën opozita përdori gaz lotsjellës dhe pati dhunë mes deputetëve përdori gjuhën e uredhjtjes dhe shpërfaqi fashizëm ndaj shqiptarëve dhe mediave kosovare.
Përdorimi i një termi pezhorativ të tillë nuk është thjesht një moment nervozizmi, por pasqyrim i një kulture politike zyrtare qëvjen si pjjellë e nacionalizmit serbomadh në të cilin për çdo ditë po thellohet nga partia-shtet dhe akterët e saj, në krye me Aleksandar Vuçiq.
Ky incident nuk është i izoluar, por përputhet me retorikën gjithnjë e më agresive që qeveria serbe dhe figurat e saj kryesore po përdorin kundër shqiptarëve, veçanërisht atyre në Kosovë dhe në Luginën e Preshevës.
Për komunitetin shqiptar në Luginë, një deklaratë e tillë nuk është vetëm fyerje, por edhe një sinjal shqetësues për të drejtat dhe sidomos sigurinë e tyre në Serbi.
Asnjë shqiptarë nuk do të ndihet i sigurtë për jetën dhe të ardhmen e vet pas kësaj shpërfaqje pulike të fashizmit nga kryeparlamentarja serbe.
