Nga Besnik HEBIBI
Höri, 21 gusht, 2026 – Pas një korriku dhe gushti të nxehtë, Zvicra po rikthehet gradualisht te freskia dhe shkëlqimi i saj natyror. Temperaturat kanë rënë ndjeshëm, ndërsa shiu që ka përfshirë pjesën më të madhe të vendit ka sjellë ndryshime të menjëhershme në natyrë. Peizazhi po merr një tjetër pamje, ajri është freskuar dhe gjelbërimi duket më i gjallë pas reshjeve.
E shtuna dhe e diela pritet të sjellin një përmirësim të përkohshëm, me temperatura deri në rreth 20 gradë, ndërsa të hënën reshjet rikthehen sërish në shumë zona.
Pas një vere të nxehtë, këto ditë të freskëta duket se po paralajmërojnë hyrjen graduale të Zvicrës në vjeshtë. Stina e re po afrohet ngadalë, duke sjellë me vete freskinë, shiun dhe ndryshimet e para në natyrë.
(Foto Adi HEBIBI)
