ZÜRICH – Përfaqësuesja e Zvicrës do të duhet të përballet me mungesën e kapitenit Granit Xhaka në katër ndeshjet e ardhshme, duke krijuar një boshllëk të rëndësishëm në mesfushën e helvetikëve. Xhaka është lënë jashtë përfaqësueses pas zhvillimeve të lidhura me çështjen e certifikatës së vaksinimit. Mungesa e tij pritet të ndikojë në formacionin e Zvicrës dhe një prej lojtarëve që mund të përfitojë më shumë minuta është Ardon Jashari. Sipas SRF, Jashari mund të ketë një rol më të rëndësishëm në ndeshjet e ardhshme të përfaqësueses, pavarësisht se fillimi i sezonit nuk ka qenë ideal për mesfushorin. Mundësia e parë për Jasharin mund të vijë që në sfidën e së shtunës ndaj Maqedonisë së Veriut, e cila do të zhvillohet në Shkup. Mesfushori do të synojë ta shfrytëzojë hapësirën e krijuar nga mungesa e Xhakës dhe të fitojë më shumë besimin e stafit teknik.
Përveç Jasharit, në garë për një vend në mesfushën e Zvicrës janë edhe Michel Aebischer, Djibril Sow, Fabian Rieder dhe Vincent Sierro. Mungesa e Xhakës, i cili prej vitesh ka qenë një prej figurave kryesore të përfaqësueses zvicerane, e detyron trajnerin të bëjë ndryshime në repartin e mesfushës, ndërsa ndeshjet e ardhshme do të tregojnë se kush do të marrë përgjegjësinë në këtë repart./BW
