Enkelena Zulfaj, 25 vjeçe, studente absolvente në Fakultetin Juridik të Universitetit të Prishtinës “Hasan Prishtina”. E lindur dhe e rritur në Komunën e Malishevës, Kosovë. Pasionante e poezisë dhe krijimtarisë poetike.
VELI I DANTELLËS
Ndjeva mornica, nyjesh mbrenda m’berthyeme,
vijat e thurjes anembanë.
Veli i bukur i dantellës, si jolica e egër.
Kur për t’parën herë dantella m’i preku krahët e mi,edhe skutat ma t’thella folën.
Nyjat e dantellës sikur e dijshin
sa gjatë e punueme,
n’duert që s’e njihnin gjëmën.
Edhe dielli zuni sy, shenjat m’i diktoi:
Vello e trashëgueme, e mbushun delikatesë,
fjalësh t’sprovueme.
Dasma t’nisi, për mu e ty,
duhet me e veshë nji za, m’tha,
kallëp trajtash ka me t’ra.
Përmes fijeve t’saj,
nji fjalë asht thanë:
Mos guxo me qa.
Velloja e randë bart qudi,
e zemën ma vështron.
Unë t’kam pa…
Teksa rruazash mbaj,
vesët e synit m’ranë.
Nuse m’paskan thanë.
