Mbrëmë, më 12.12.2024, në Fakultetin e Drejtësisë në Neuchâtel, u organizua një aktivitet përkujtimor me rastin e 80-vjetorit të Çlirimit të Shqipërisë, duke shfaqur filmin historik “Vitet e Pritjes” dhe një ekspozitë tematike kushtuar kësaj ngjarjeje të rëndësishme të historisë sonë kombëtare.
Ky aktivitet u organizua nga Ambasada e Republikës së Shqipërisë në Bernë, në bashkëpunim me Shoqatën e Studentëve Shqiptarë të Neuchâtelit. Të pranishëm ishin studentë shqiptarë, z. Valon Gashi, Sekretar i Parë në Ambasadë, si dhe z. Mustaf Veseli, Koordinator Kombëtar për Bashkëpunim Rajonal dhe Integrim nga Maqedonia e Veriut.
Ambasada shpreh mirënjohjen më të thellë për Shoqatën e Studentëve Shqiptarë të Universitetit të Neuchâtelit për bashkëpunimin dhe angazhimin e tyre në realizimin e këtij aktiviteti.
@arkiviqendrorshteterorifilmit
@drejtoriaepergjithshmearkivave
Nga Ambasada e Republikës së Shqipërisë në Zvicër
