Sot, aty rreth orës 12.00, në Cyrih, veprimtari, atdhetari i njohur, juristi, publicisti nga Llojani i Kumanovës, Republika e Maqedonisë Veriore, që jeton dhe vepron në Zvicër, z.Qemal Musliu, takoi Pasardhësin e Luigj Gurakuqit, z. Anton Gurakuqi i cili kishte ardhur në Zvicër për një vizitë familjare. Edhe pse takimi u realizua një restaurant dhe i kishin kafet për ti pirë, ata i harruan, ngase bashkëbisedimi ishte i jashtëzakonshëm dhe shumë emocional.
Z.Musliu i ofroi z.Gurakuqi, që të shkojnë në banesën e tij për ta nderuar, mirëpo, z.Gurakuqi nuk mundi edhe pse kishte dëshirë, shkaku i disa angazhimeve të tjera. Takimi do të kujtohet për jetë. Z.Musliu i dha edhe librin e tij të fundit me titull: “Në kohë për kohën”. Gjatë këtij takimi u bashkëbisedua për situatën aktuale në trojet tona etnike. Gjtihashtu nuk harruan edhe për të ardhmen e mërgatës shqiptare.
Me shumë mall dhe kujtime, z.Musiu, kujtoi se si është rritur me patriotizmin e atdhetarëve dhe në veçanti edhe me Luigj Gurakuqin. Biseda ishte parapa që të zgjas gjysëm ore, por shkoi një orë e gjysëm. “Përqafimin vëllazëror nuk do ta harroj për jetë”, na tha për helveticALforum, z.Qemal Musliu.
Ndërsa, z.Gurakuqi, që e shoqëruam sot në disa takime të tjera, gjithnjë e përmendke z.Musliu dhe për fjalët e tij të urta dhe me peshë të madhe kombëtare. Z.Musliu kujtoi se Luigj Gurakuqi, ishte veprimtar i çështjes kombëtare, radhitës dhe nënshkrues i dokumentit të shpalljes së pavarësisë, njeri i letrave, arsimtar dhe personazh i politikës shqiptare çerekun e parë të shekullit 20.
Është një nga personalitetet më të shquara të levizjes sonë kombëtare, arsimore e kulturore në fundin e Rilindjes Kombëtare dhe të fillimeve të Pavarësisë duke përjetuar ngjarjet më kulmore të jetës së vendit në çerekun e parë të shekullit tonë në shumicën e të cilave në mos organizator, qe pjesëmarrës i drejtpërdrejtë dhe sot, mu dha rasti që ta takoj pasardhësin e tij. Kjo është ditë e veçantë për mua, tha z.Musliu.
helveticALforum