/ Përgaditi: Dashnim HEBIBI /
Preshevë, 1 qershor 2025 – Kryetarja e Komunës së Preshevës, znj. Ardita Sinani, ka publikuar disa fotografi që paraqesin bukurinë e luleve shumëngjyrëshe të qershorit, të cilat zbukurojnë tokën shqiptare të asaj treve. Pamjet kanë ngjallur emocione të veçanta edhe te bashkatdhetarët, duke rikujtuar lidhjen shpirtërore me vendlindjen.
Toka jonë, përveç se është e mbushur me lule të bukura, është edhe një tokë e bekuar — sepse ka rritur dijetarë, trima dhe bamirës që kanë lënë gjurmë në historinë shqiptare, na thanë disa bashkatdhetarë nga ajo etni që jetojnë e veprojnë në kantonin e Cyrihut.
Këto imazhe janë një dëshmi e gjallë e pasurisë natyrore dhe shpirtërore që Lugina e Preshevës ofron, duke e bërë këtë trevë jo vetëm të bukur për syrin, por edhe të dashur për zemrën e çdo shqiptari.
