Kapiteni i reprezentacionit të Maqedonisë së Veriut në futboll, Enis Bardhi, do të vazhdojë të luajë futboll në Turqi, ku në të ardhmen do ta bartë fanellën e Bodrumsporit.
27-vjeçari ka pasur një takim me drejtuesit e Bodrumit, me të cilët ka rënë dakord për të gjitha detajet dhe ka mbërritur në klub për ekzaminime mjekësore. Bardhi dhe Bodrumspor kanë nënshkruar marrëveshje bashkëpunimi deri në fund të sezonit.
Bodrumspor ndodhet në vendin e 16-të në Superligën turke dhe përballet me një betejë për mbijetesë deri në fund. Enis Bardhi iu bashkua Trabzonit në vitin 2022 nga Levante, dhe më parë ka luajtur për Újpest hungarez, Prespa suedeze Birlik, si dhe ekipet e të rinjve të Brondby dhe Shkupi. Bardhi te Bodrumspor gjen Taulany Seferin e Arlind Ajetin, dy lojtarët e Kombëtares shqiptare, njofton open-tv.
