BBC ka shkruar sërish për Diellën, ministren virtuale të kabinetit qeveritar Rama 4. Kësaj radhe media britanike i ka servirur audiencës së saj të gjerë sekuenca nga momenti i “fjalës” së ministres virtuale në Kuvend, pak para votimit të programit qeverisës.
Postimi i BBC në rrjetet sociale:
Kryeministri i Shqipërisë, Edi Rama, prezantoi para deputetëve në parlament “ministren e tij të re të Inteligjencës Artificiale”.
Ky hap ishte më shumë simbolik sesa zyrtar, pasi Kushtetuta e Shqipërisë kërkon që ministrat e qeverisë të jenë shtetas që kanë mbushur të paktën 18 vjeç dhe që gëzojnë aftësi të plota mendore.
Partia Demokratike në opozitë e ka quajtur këtë nismë “qesharake” dhe “antikushtetuese”, transmeton gtema.
