“I ftuar si ish-drejtor i Ansamblit Shtetëror të këngëve dhe valleve në jubilenë e 45-vjetorit të Ansamblit ‘Ibe Palikuqi’, jam mbushur me emocion dhe krenari. Ky ansambël, i njohur si një shkollë e vjetër e artit të vallëzimit shqiptar, ka shërbyer për dekada si ruajtës i pasurisë kulturore dhe shpirtërore shqiptare. Ansambli ‘Ibe Palikuqi’ është një monument i artit të vallëzimit dhe ka formuar dhe ngritur breza të tërë artistësh dhe valltarësh që kanë trashëguar dhe promovuar kulturën tonë.
Ndër momentet më mbresëlënëse të kësaj ngjarjeje ishte Vallja Arbëreshe – një kryevepër e artit të vallëzimit që shndriti si një magji e vërtetë. Veshjet tradicionale, harmonia dhe pasioni i vallëtarëve, së bashku me koreografinë magjike, krijuan një atmosferë që të lë pa fjalë. Ansambli i këngëve dhe valleve ‘Ibe Palikuqi’ vazhdon të jetë një simbol i artit dhe krenarisë shqiptare, që ruan dhe promovon traditën tonë kulturore në Maqedoninë e Veriut dhe më gjerë.” / Nga Shkodran Tolaj
