Shqipëria bëri historinë duke siguruar vend në fazën play-off të Kupës së Botës 2026 pas fitores ndaj Andorrës dhe humbjes 2-0 të Serbisë ndaj Anglisë.
Kupa e Botës do të zhvillohet për herë të parë në tre shtete: SHBA, Kanada dhe Meksikë, nga 11 qershori deri më 19 korrik 2026. Ambasada amerikane në Tiranë inkurajon shqiptarët që duan të ndjekin ndeshjet të aplikojnë sa më parë për viza.
“Shtetet e Bashkuara po mundësojnë udhëtime të sigurta dhe të mbrojtura për sportdashësit ndërkombëtarë që janë të interesuar të vijnë në Shtetet e Bashkuara për Kupën e Botës FIFA 26, dhe jemi plotësisht të përgatitur për të përpunuar aplikimet për vizat e vizitorëve. Ne i inkurajojmë udhëtarët e huaj që kanë nevojë për viza amerikane të aplikojnë tani”, shkruan ambasada amerikane në Tiranë, transmeton rtsh.
