Një protestë me moton “Jo në emrin tim” do të mbahet të dielën, më 4 tetor, në Berlin, në shenjë kundërshtimi ndaj aktgjykimit dënues të Dhomave të Specializuara në Hagë ndaj ish-krerëve të Ushtrisë Çlirimtare të Kosovës (UÇK). Sipas njoftimit të organizatorëve, protesta do të nisë në orën 12:00, para ndërtesës së Parlamentit gjerman, në Reichstagsgebäude, Platz der Republik 1.
Protesta vjen pas vendimit të Dhomave të Specializuara në Hagë, të shpallur më 16 shtator, me të cilin, në shkallën e parë, Hashim Thaçi, Jakup Krasniqi, Kadri Veseli dhe Rexhep Selimi u dënuan me një total prej 81 vjetësh burgim. Organizatorët kanë bërë thirrje për pjesëmarrje në protestën që synon të shprehë kundërshtimin ndaj këtij aktgjykimi dhe të përcjellë mesazhin “Jo në emrin tim”./BS
