“Për herë të parë në botë një shkollë me program duo bilingual anglisht-shqip nisi në New York, në P.S.108 Philip J.Abinanti School. Ky program është një urë midis brezash, kulturash dhe kombesh. Duke i krijuar fëmijëve shqiptarë në New York mundësinë për të mësuar në gjuhën shqipe, u kemi dhënë atyre krenari për rrënjët dhe trashëgiminë e tyre të vyer”- shkruan Presidenti i Shqipërisë, Bajram Begaj nga New Yorku.
Ndërkohë Presidenti Begaj foli në OKB, ku tha ndër të tjera se “Vendi i Kosovës në këtë Asamble mbetet padrejtësisht bosh.
Njohja e pavarësisë së Kosovës, mbështetja për anëtarësimin e saj në Kombet e Bashkuara dhe në organizatat e tjera ndërkombëtare është një akt drejtësie ndaj popullit të Kosovës, është një hap që forcon edhe më shumë paqen dhe sigurinë në Ballkanin Perëndimor dhe një kontribut në stabilitetin e Evropës”, transmeton kjone.
