Ambasada e Republikës së Kosovës në Zvicër ka bërë të ditur adresën zyrtare për votimin me postë për qytetarët e Kosovës që jetojnë dhe veprojnë në Zvicër.
Sipas njoftimit, të gjitha dërgesat që lidhen me votimin me postë duhet të adresohen si më poshtë:
KQZ – Zgjedhjet
Postfach 3024
Bern
Ambasada u bën thirrje të gjithë bashkatdhetarëve që të respektojnë këtë adresë zyrtare, në mënyrë që procesi i votimit të zhvillohet në mënyrë të rregullt dhe pa vonesa.
Ky njoftim vjen në kuadër të përgatitjeve për procesin zgjedhor dhe synon të lehtësojë pjesëmarrjen e diasporës në ushtrimin e së drejtës demokratike të votës.
Për informacione shtesë, qytetarët mund të ndjekin njoftimet zyrtare të Ambasadës së Kosovës në Zvicër dhe të Komisionit Qendror të Zgjedhjeve, transmeton helveticALforum.ch
