Në këtë ditë të veçant, mori pjesë edhe Ambasadori i Republikës së Kosovës në Britaninë e Madhe, Shkëlqesia e Tij, z.Ilir Kapiti dhe ja se si e përshkruan ai;
„Sot me krenari mora pjesë në Akademinë Ushtarake Mbretërore Sandhurst, ku diplomoi Kadetja Lirijona Bajraktari.
Ky diplomim ishte i veçantë, duke arritur numrin e të diplomuarve nga FSK-ja në 30 oficerë të diplomuar. Ceremonia e diplomimit në emër të SH.T. Mbretit Charles III u drejtua nga Gjeneral Sir Patrick Sanders.
Vlen të theksohet se të gjithë kadetët tanë që kanë diplomuar në Sandhurst kanë arritur rezultate superiore dhe disa prej tyre janë ftuar që të bëhen instruktorë për ushtarët e tjerë.
Ju lumtë, jeni krenaria jonë!”. Në këtë ngjarje të madhe, valonte edhe flamuri i shtetit të Kosovës.
helveticALforum.ch
