Suksesi i Milanit në derbin ndaj Interit ka qenë jashtëzakonisht i rëndësishëm për skuadrën, duke i dhënë asaj jo vetëm një 3 pikësh të artë, por edhe një dozë të lartë psikologjike. Fitorja ndaj rivalëve të qytetit është një shpërblim për punën e palodhur të skuadrës, por tani, në këtë fazë të sezonit, kërkohet vazhdimësi.
Kjo ka qenë pikërisht ajo që Milanit i ka munguar në disa momente kyçe të këtij sezoni, dhe kjo është mundësia për të treguar se mund të mbajnë ritmin dhe të luftojnë deri në fund për titullin. Në këtë fundjavë, Milan do të ndeshet me një rival të fortë, Lacion, një skuadër që ka treguar stabilitet dhe forcë në këtë sezon, dhe që mund të jetë një test i vërtetë për skuadrën e Alegrit. Megjithatë, ky është një shans i artë për Milanin të reagojë me një fitore dhe, pse jo, të përfitojë nga ndonjë hap fals i skuadrave të tjera, përfshirë Romën.
Me Lacion në fushë dhe një kalendar të ngjeshur për skuadrën e Gasperinit, ky mund të jetë momenti i duhur për Milanin të dalë në krye dhe të kalojë presion te rivalët, duke treguar se janë të gatshëm të luftojnë për titullin në Serie A. Për këtë ndeshje, një nga pyetjet më të mëdha për trajnerin Alegri është nëse do të ketë në dispozicion Pulisiç, sulmuesin amerikan i cili nuk është stërvitur me pjesën tjetër të ekipit gjatë ditëve të fundit. Shanset që ai të jetë në fushë janë thuajse zero, pasi stafi mjekësor ka vendosur të mos e rrezikojë lojtarin për një ndeshje kaq të rëndësishme. Pulisiç ka qenë një nga lojtarët kyç për Milanin në këtë sezon, por mungesa e tij do të kërkojë një zëvendësim adekuat.
Një tjetër dilemë për Alegrin është se kush do të jetë partneri i Rafael Leaos në sulm. Të dy, Kristofer Nkunku dhe Ruben Loftus-Cheek janë në balotazh për një vend titullari, duke e bërë këtë një vendim të rëndësishëm për trajnerin, i cili duhet të gjejë ekuilibrin mes forcës fizike dhe kreativitetit në sulm. Mungesat e tjera për Milanin janë ato të Himenez dhe Athekame, të cilët do të jenë të papajisur për këtë takim, duke lënë një hapësirë më të madhe për ata që janë në dispozicion.
Në anën pozitive, rikuperimi i plotë i Aleksis Salemekers është një lajm i mirë për Milanin. Salemakers ka kaluar një periudhë të vështirë me dëmtime, por tani është gati të kontribuoni në fushë, duke i dhënë trajnerit më shumë mundësi për të krijuar një formacion të fuqishëm. Belgu mund të jetë një opsion i rëndësishëm për Milanin, sidomos në aspektin e dinamizmit dhe ritmit të lojës.
Përveç ndeshjes në fushë, ky takim është gjithashtu një sfidë brenda sfidës për dy trajnerët. Alegri dhe Sarri janë dy filozofi të kundërta në futboll dhe kanë rivalizuar për shumë vite, duke krijuar një dinamikë interesante mes tyre.
Alegri, me stilin e tij më të matur dhe pragmatik, kundër Sarrit, i cili preferon futbollin me topin dhe sulmin e hapur. Kjo përballje taktike do të jetë një nga elementët që do të përcaktojë fatin e ndeshjes, pasi të dy trajnerët janë të vetëdijshëm për rëndësinë e fitoreve në këtë fazë të sezonit, transmeton gpanorama.
