Kryeministri Edi Rama ishte pjesë e Forumit Ekonomik Botëror që zhvillohet në Davos të Zvicrës në një nga panelet të cilat u organizuan.
Si pjesë e këtij forumi, kryeminstri u taku dhe bashkëbisedoi me liderë të biznesit, drejtues të organizatave të ndryshme ndërkombëtare si dhe personalitete të tjera pjesëmarrëse.
Takimi i 55-të Vjetor i Forumit Ekonomik Botëror mblidhet nën temën “Bashkëpunimi për Epokën Inteligjente”, për diskutime me rëndësi të posaçme për një të ardhme të qëndrueshme dhe gjithëpërfshirëse.
Gjatë diskutimeve, Rama u pyet lidhur me turizmin si një sektor mjaft i rëndësishëm në vendin tonë.
“Turzmi për ne është dicka e re. Është një industri që po e ndërtojmë prej së cilës po shofim zhvillim të jashtëzakonshëm në të gjitha aspektet. Nuk ka asnjë shans që ne ta minojmë turizmin. Turizmi është kali ynë i betejës”, tha kryeministri Edi Rama, njofton euronewsal.
