Nga Dashnim HEBIBI
Florim Useini, Kryetar Nderi i Rrjetit të Bizneseve në Zvicrën Qendrore, një personalitet i njohur jo vetëm në mërgatë, këto ditë po qëndron në Shqipëri e sot në Vlorë, nga ku ka përcjellë disa fotografi mbresëlënëse që dëshmojnë se vendi ynë mbetet i bukur dhe mikpritës në çdo stinë. Përmes këtyre pamjeve, ai thekson se Shqipëria ofron qetësinë e detit dhe një bukuri të rrallë edhe gjatë dimrit, larg zhurmës dhe ritmit të shpejtë të përditshmëris
Gjatë qëndrimit të tij, Florim Useini po përjeton pushime të këndshme, duke shijuar natyrën, klimën e butë dhe ndjesinë e veçantë që të jep Shqipëria, aty ku çdo shqiptar ndihet mirë dhe si në shtëpinë e vet. Ai u ka uruar mërgimtarëve pushime të mbara, duke i ftuar që të mos hezitojnë ta vizitojnë atdheun edhe gjatë sezonit dimëror.
Sipas tij, një zgjidhje shumë e mirë për ardhjen në Shqipëri është edhe udhëtimi me anije nga Italia, me destinacione si Vlora, Saranda apo Durrësi, duke e bërë udhëtimin më të lehtë dhe më tërheqës për diasporën.
Fotografitë e publikuara janë një dëshmi e qartë se Shqipëria ka shumë për të ofruar gjatë gjithë vitit dhe mbetet një destinacion ideal për pushime, reflektim dhe rilidhje me rrënjët.
(Foto nga Vlora)
HelveticALforum.ch
