Rrejti i madh mediatik amerikan “ESPN” ashtu siç bën në takime të rëndësishme ka parashikuar fituesit e katër çifteve të play-off të zonës së UEFA-s.
Në këtë parashikim “ESPN” vlerëson se faktori fushë do të ketë mjaft ndikim në ndeshjen që do të luhet sot në mbrëmje në “Fadil Vokrri”.
“Ekipi i Franco Fodës është i ri, i guximshëm, i shpejtë dhe energjik; i mbushur me talente që kanë kapacitetin për të tronditur Turqinë.
Turqia, pasi fitoi dy përballjet e mëparshme midis dy ekipeve, konsiderohet favorite, por stadiumi ‘Fadil Vokrri’ i së martës në Prishtinë do të jetë plot emocione dhe një atmosferë pasionante mund ta ndryshojë peshoren në favor të Kosovës”, argumenton “ESPN”./BS
