Sipas sondazheve të fundit, Zvicra mund të shohë një “dypalësh dështimi” në kutitë e votimit këtë të diel. Qytetarët zviceranë pritet të vendosin mbi dy çështje me peshë kombëtare: shërbimin e detyrueshëm qytetar për të gjithë të rinjtë dhe futjen e një takse të re mbi trashëgimitë e larta, transmeton 20min.ch.
Çfarë po votohet këtë të diel?
Iniciativa “Service Citoyen”
Iniciativa popullore «Për një Zvicër të angazhuar» kërkon që detyrimi për shërbim (aktualisht i detyrueshëm vetëm për burrat) të zgjerohet për të gjithë qytetarët zviceranë – pra edhe për gratë.
Synimi është që çdo shtetas të kryejë një “shërbim për komunitetin dhe sigurinë”, i cili mund të realizohet në disa fusha:
- ushtri
- mbrojtje civile
- mbrojtje nga katastrofat
- mbrojtje kibernetike
- bujqësie të tjera.
Përkrahësit e iniciativës argumentojnë se kjo masë do të forcojë rezervat e ushtrisë dhe mbrojtjes civile, ndërsa opozita paralajmëron për barrë të panevojshme dhe sfida logjistike.
Iniciativa për taksimin e trashëgimive të mëdha (Erbschaftssteuer-Initiative)
Iniciativa popullore «Për një politikë klimatike sociale – e financuar drejt» propozon futjen e një takse 50% mbi trashëgimitë dhe dhuratat që tejkalojnë 50 milionë franga.
Të ardhurat nga kjo taksë do të ndahen:
- ⅔ për Konfederatën
- ⅓ për kantonetdhe do të përdoren ekskluzivisht për projekte të mbrojtjes së klimës.
Një element i debatueshëm është se taksa do të kishte efekt retroaktiv, duke hyrë në fuqi që nga dita e parë pas miratimit.
Si duken gjasat sipas sondazheve?
Sondazhi i fundit i instituteve LeeWas dhe Tamedia (mes Nëntorit) tregon një rënie të theksuar të mbështetjes për të dy iniciativat.
Service Citoyen
- Tetor: 51% pro
- Nëntor: vetëm 30% pro
- 70% e të anketuarve planifikojnë të votojnë kundër nismës.
Iniciativa për taksën mbi trashëgiminë
- Tetor: 67% kundër
- Nëntor: 75% kundër
- Mbështetja është minimale dhe trendi është përkeqësuar.
Nëse këto parashikime konfirmohen, të dyja iniciativat rrezikojnë të refuzohen bindshëm nga votuesit, transmeton 20min.ch.
HelveticALforum.ch
