Një mbrëmje e paharrueshme për futbollin italian në Bergamo! Atalanta arriti një fitore spektakolare 4:1 ndaj Borussia Dortmund në ndeshjen e kthimit të play-offit të Champions League, duke siguruar kualifikimin në 1/8 e finales.
Pas fitores 2:0 të Dortmundit në ndeshjen e parë, vendasit u hakmorën menjëherë. Golat e Scamacca (5′), Zappacosta (45′), Pashaliq (57′) dhe Samarxhiq (90+8′ – penallti) vulosën triumfin e Atalantës, ndërsa për gjermanët shënoi Adeyemi (75’).
Ndeshja ishte e hapur, me raste të shumta dhe një Atalantë dominuese që nuk i la shanse rivalit. Edhe pse Dortmund pati mundësi për të ngushtuar rezultatin, mungesa e konkretizimit e dërgoi skuadrën jashtë garës më prestigjioze europiane.
Me këtë fitore, Atalanta vulosi suksesin dhe avancon me besim për sfidat e radhës në Champions League./K.Goca/BS
