Triëngen, Zvicër – Ambasadori i Republikës së Maqedonisë së Veriut në Zvicër, Shkëlqesia e Tij, Rexhep Demiri, mori pjesë më 8 nëntor 2026 në Ditën Konsullore dhe takimin me pjesëtarët e diasporës maqedonase, të organizuar në Triengen të Zvicrës. Siç mëson HelveticALForum.ch, aktiviteti u zhvillua në ambientet e Komunitetit të Kishës Ortodokse Maqedonase „Shën Naumi i Ohrit“, ku ambasadori Demiri pati mundësinë të takohej drejtpërdrejt me qytetarët maqedonas që jetojnë dhe punojnë në Zvicër. Takimi u karakterizua nga një atmosferë e këndshme dhe miqësore, me biseda të hapura, shkëmbim përvojash dhe komunikim të drejtpërdrejtë ndërmjet përfaqësuesve diplomatikë dhe pjesëtarëve të mërgatës.
Duke e përshkruar këtë aktivitet, ambasadori Rexhep Demiri është shprehur:
„DITË KONSULLORE DHE TAKIM ME DIASPORËN MAQEDONASE NË TRIENGEN, ZVICËR
Më 8 nëntor 2026, në ambientet e Komunitetit të Kishës Ortodokse Maqedonase „Shën Naumi i Ohrit“ në Triengen të Zvicrës, u mbajt një ditë konsullore dhe një takim me pjesëtarët e diasporës maqedonase. Takimi u zhvillua në një atmosferë të këndshme dhe miqësore, të shoqëruar me biseda, shkëmbim përvojash dhe komunikim të drejtpërdrejtë me qytetarët maqedonas që jetojnë dhe punojnë në Zvicër.
Takimet e tilla kanë rëndësi të veçantë për forcimin e lidhjeve me atdheun, lehtësimin e qasjes në shërbimet konsullore dhe ruajtjen e gjuhës, kulturës, traditës dhe identitetit.
“ Dita Konsullore në Triengen dëshmon rëndësinë e komunikimit të vazhdueshëm të përfaqësive diplomatike me qytetarët e tyre jashtë vendit. Përmes aktiviteteve të tilla, mërgata ka mundësi të marrë shërbime konsullore më afër vendbanimit, të shprehë nevojat e saj dhe të ruajë lidhjet me vendlindjen. / HelveticALForum.ch
