Përgaditi: Dashnim HEBIBI, Prishtinë
Prof. Petrovci, i njohur për rolet e tij të paharrueshme në skenë dhe ekran, është një figurë që ka dhënë shumë për kulturën kombëtare, duke mos e harruar kurrë as mërgatën shqiptare. Përveç karrierës së tij të pasur, ai ka qenë gjithmonë i afërt me gjeneratat e reja dhe ka mbështetur krijimtarinë e tyre.
Në fjalën e tij, z. Kicaj vlerësoi kontributin e aktorit të merituar në themelimin dhe ngritjen e Akademisë së Aktrimit IFTP në Zvicër, duke theksuar se bashkëpunimi i tij ka qenë një shtyllë e fortë për zhvillimin profesional të institucionit.
“Kisha nderin dhe privilegjin që, në emër të Akademisë sonë me seli në Zürich, të nderoj Prof. Enver Petrovcin me këtë mirënjohje, për kontributin e tij në Akademinë e Aktrimit. Në emër të stafit dhe studentëve tanë, i shpreh falënderimin dhe respektin më të madh për përkushtimin e tij të vazhdueshëm,” – u shpreh presidenti i IFTP-së, Adem Kicaj.
Kjo mirënjohje është një shenjë respekti e mirënjohjeje për një artist që ka dhënë shumë për artin shqiptar dhe që vazhdon të mbetet frymëzim për brezat e rinj të aktrimit. Akademia Ndërkombëtare e Teatrit dhe Filmit (IFTP) / Zürich, Zvicër
SAM24.info
