Universiteti i Shkodrës “Luigj Gurakuqi” ka nisur punën për hartimin e një programi të ri studimi Bachelor në Albanologji, një iniciativë e rëndësishme që synon të promovojë dhe zhvillojë studimet mbi trashëgiminë gjuhësore, kulturore dhe historike shqiptare.
Ditën e premte, më 10 janar 2025, Rektori Gjuraj zhvilloi një takim me Qendrën e Studimeve Albanologjike të UNISHK. Gjatë takimit, ai nënvizoi se ky program do të jetë pjesë e Fakultetit të Shkencave Shoqërore (FSHSH) dhe do të përfshijë të gjithë departamentet e këtij fakulteti, duke reflektuar një qasje gjithëpërfshirëse për fushën e albanologjisë.
Në vijim, priten takime të tjera të Rektorit me:
- Fakultetin e Gjuhëve të Huaja (FGJH) për ristrukturimin e programeve të gjuhëve të huaja;
- Departamentin e Matematikës dhe Fakultetin Ekonomik (FE) për zhvillimin e programit të ri të Informatikës Ekonomike, që do të ofrohet në gjuhën shqipe dhe atë angleze.
Synimi i UNISHK është të ofrojë një portofol akademik tërheqës dhe të larmishëm, duke përfshirë të gjitha fakultetet e tij dhe duke iu përgjigjur nevojave të tregut dhe zhvillimeve bashkëkohore.
Një hap i rëndësishëm për diversitetin dhe cilësinë akademike në UNISHK!
Qendra Studimeve Albanologjike Shkoder
#UNISHK #Albanologji #FSHSH #FGJH #FE #ZhvillimAkademik #ArsimiShqiptar #TëArdhmeTëQëndrueshme