Në vazhdën e takimeve të KMSHZ-së me xhamitë në Zvicër, sot në Xhaminë e Schlierenit u mbajt takimi i radhës me përfaqësues të xhamive të regjionit të Zürichut dhe më gjerë.
Nga KMSHZ-ja në takim morën pjesë kryetari Mr. Fehim Abazi, këshilltari i kryetarit Mr. Irfan Musliu dhe anëtari i Kryesisë Mr. Rijad Aliu.
Ftesës për takim iu përgjigjën pozitivisht 15 xhami, ndërsa në takim morën pjesë gjithsej 50 persona, përfaqësues të këtyre xhamive:
Xhamia Netstal – Glarus
Xhamia e Paqa Schwamendingen Xhamia Zürich
Xhamia Seebach
Xhamia Regensdorf
Xhamia Schlieren
Xhamia Brüttisellen
Xhamia Sunnah -Dietikon
Xhamia Bülach
Xhamia Höri-Oberglatt
Xhamia Oaza – Spreitenbach
Xhamia Gebenstorf
Xhamia Uniteti – AU-Zürich
Xhamia Tulipan – Reinach
Xhamia Mërgimi – Obfelden
Gjatë takimit u zhvillua një bashkëbisedim i hapur dhe konstruktiv mbi nevojat dhe sfidat e xhamive, forcimin e koordinimit dhe mundësitë për zhvillimin e aktiviteteve e projekteve të përbashkëta. Përfaqësuesit e xhamive patën mundësi të paraqesin mendimet, sugjerimet dhe propozimet e tyre për bashkëpunimin në të ardhmen.
U theksua rëndësia që komunikimi ndërmjet KMSHZ-së dhe xhamive të jetë i vazhdueshëm dhe që idetë e përbashkëta të shndërrohen në hapa dhe iniciativa konkrete në dobi të komunitetit tonë.
Xhamitë tona mund të jenë në vende të ndryshme, por amaneti dhe përgjegjësia jonë ndaj komunitetit është e përbashkët. Bashkëpunimi na afron dhe na fuqizon në shërbimin tonë.
KMSHZ-ja falënderon të gjithë përfaqësuesit e xhamive për pjesëmarrjen, kontributin dhe frymën vëllazërore e konstruktive të takimit.
Një falënderim dhe mirënjohje e veçantë i drejtohet Xhamisë së Schlierenit, e cila ishte nikoqire e këtij takimi dhe, përveç mikpritjes dhe organizimit, shtroi edhe një darkë të përbashkët për të gjithë të pranishmit, duke e përmbyllur takimin në një atmosferë të ngrohtë dhe vëllazërore.
Lusim Allahun e Madhërishëm që këto takime të jenë shkak për forcimin e unitetit, vëllazërisë dhe bashkëpunimit ndërmjet xhamive tona dhe që çdo përpjekje e përbashkët të jetë në dobi të komunitetit tonë.
Me respekt
Kryesia e KMSHZ-së
HelveticALforum.ch
