Konsulli i Përgjithshëm i Republikës së Kosovës në Düsseldorf, z. Behar Isma, mori pjesë në koncertin festiv të organizuar me rastin e Ditës Kombëtare të Republikës së Bullgarisë – Ditës së Bashkimit të Bullgarisë.
Koncerti u mbajt në Gerhart Hauptmann Haus në Düsseldorf, në një atmosferë festive dhe solemne, ku u shënua një nga datat më të rëndësishme kombëtare të Bullgarisë.
Me këtë rast, Konsulli i Përgjithshëm Behar Isma i përcolli urimet e tij të përzemërta homologes së tij, znj. Snezhina Marinova, Konsulle e Përgjithshme e Republikës së Bullgarisë në Düsseldorf.
Pjesëmarrja e përfaqësuesit të Kosovës në këtë aktivitet festiv dëshmon për marrëdhëniet e mira dhe bashkëpunimin ndërmjet përfaqësive diplomatike e konsullore të të dyja vendeve në Gjermani. Lajmi është bërë i ditur nga Konsullata e Përgjithshme e Republikës së Kosovës në Düsseldorf, transmeton helveticALforum.ch.
