Kryeministri i Kosovës, Albin Kurti, ka marrë pjesë në ditën e dytë të Global Progressive Mobilisation që po mbahet në Barcelonë, ku ka theksuar rëndësinë e bashkëpunimit ndërkombëtar mes liderëve progresistë. Në një postim në Facebook, ai ka njoftuar se ishte pjesë e darkës së liderëve me figura të njohura të politikës europiane dhe globale, duke përfshirë Pedro Sánchez, Edi Rama dhe të tjerë.
Kryeministri i Kosovës, Albin Kurti, ka njoftuar përmes një postimi në Facebook mbi pjesëmarrjen e tij në ditën e dytë të Global Progressive Mobilisation që po mbahet në Barcelonë. Sipas tij, ai ka pasur kënaqësinë të marrë pjesë në darkën e liderëve, ku ishin të pranishëm figura të njohura të politikës progresive ndërkombëtare, përfshirë Pedro Sánchez, Katarina Barley, Tanja Fajon, Edi Rama, David Lammy, Kathleen Van Brempt, Andreas Babler, Lars Klingbeil dhe Giacomo Filibeck, si dhe shumë liderë të tjerë. Kurti ka thënë se diskutimet gjatë takimeve janë përqendruar në forcimin e bashkëpunimit ndërkombëtar, përballjen me sfidat globale dhe ndërtimin e alternativave progresive që, sipas tij, u përgjigjen nevojave reale të qytetarëve. Ai ka vlerësuar se ky mobilizim i përbashkët dëshmon një unitet të shtuar të progresistëve në nivel ndërkombëtar, duke theksuar se ata janë “më të bashkuar se kurrë” në përpjekjet për drejtësi sociale, barazi dhe zhvillim të qëndrueshëm, transmeton rtk.
