Cyrih, prill 2026 – Konsullata e Republikës së Kosovës në Cyrih ka njoftuar bashkatdhetarët se nuk do të ofrojë shërbime në disa data gjatë muajit prill, në përputhje me Ligjin për Festat Zyrtare në Republikën e Kosovës si dhe me festat zyrtare të Zvicrës.
Sipas njoftimit zyrtar, konsullata do të jetë e mbyllur në këto ditë:
- 3 prill (e premte) – Karfreitag (E Premtja e Mirë) – Zvicër
- 6 prill (e hënë) – Pashkët Katolike dhe Ostermontag – Zvicër
- 9 prill (e enjte) – Dita e Kushtetutës së Republikës së Kosovës
- 13 prill (e hënë) – Pashkët Ortodokse (që kremtohen më 12 prill)
Autoritetet konsullore bëjnë të ditur se gjatë këtyre ditëve nuk do të jetë aktiv numri i zakonshëm i telefonit, për shkak të festave zyrtare dhe fundjavave.
Megjithatë, për raste emergjente, qytetarët mund të kontaktojnë përmes:
- Email: consulate.zurich@rks-gov.net
- Numrit emergjent: +41 43 311 89 00
Konsullata u bën thirrje bashkatdhetarëve që të planifikojnë paraprakisht shërbimet e tyre dhe të kenë parasysh këto data mbylljeje, transmeton helveticALForum.ch
