Misioni i NATO-s kontribuon në stabilitetin dhe sigurinë rajonale
Ushtarët gjermanë të KFOR-it, pjesë e Komandës Rajonale – Lindje (RC-E), po zhvillojnë patrullime të rregullta në disa komuna të veriut të Kosovës, brenda zonës së tyre të përgjegjësisë.
Sipas një njoftimi të misionit, këto patrulla kanë si qëllim kryesor ruajtjen e vetëdijes situative dhe kontribuimin në stabilitetin e përgjithshëm të rajonit.
“Përmes këtyre aktiviteteve, personeli i KFOR-it kontribuon në sigurimin e një mjedisi të sigurt për të gjithë qytetarët që jetojnë në Kosovë,” thuhet në postimin e KFOR-it në Facebook.
Misioni thekson gjithashtu se vazhdon të zbatojë mandatin e tij, të bazuar në Rezolutën e Këshillit të Sigurimit të OKB-së, duke mbështetur lirinë e lëvizjes dhe duke siguruar një ambient të qëndrueshëm dhe të sigurt, në mënyrë të paanshme.
KFOR-i mbetet i angazhuar në misionin e tij për të mbrojtur paqen dhe stabilitetin, duke reflektuar përkushtimin e vazhdueshëm të NATO-s ndaj sigurisë rajonale, transmeton rtk.
