Komiteti Olimpik i Kosovës (KOK) do të mbajë sot një konferencë për media me rastin e prezantimit zyrtar të ekipit olimpik që do ta përfaqësojë Kosovën në Lojërat Olimpike Dimërore Milano Cortina 2026.
Konferenca do të zhvillohet në ambientet e KOK-ut, duke filluar nga ora 11:00, ku do të shpalosen emrat e sportistëve të përzgjedhur, objektivat e delegacionit kosovar si dhe përgatitjet e bëra për pjesëmarrje në këtë ngjarje madhore sportive.
Lojërat Olimpike Dimërore Milano Cortina 2026 do të mbahen nga 6 deri më 22 shkurt 2026, në qytetet Milano dhe Cortina d’Ampezzo të Italisë, duke mbledhur atletë nga e gjithë bota në disiplinat kryesore të sporteve dimërore. Pjesëmarrja e Kosovës në këto lojëra përfaqëson një hap tjetër të rëndësishëm për sportin kosovar dhe një mundësi të re për paraqitje dhe afirmim në arenën ndërkombëtare, transmeton rtk.
