Nga Prof.dr.Xhavit LIPAJ, Zvicër
Deklarata e fundit e Kryetarit të Parlamentit të Kosovës, Dimal Basha, se në një artikull shkencor ai ka shkruar vetëm një pjesë, ndërsa pjesën tjetër e ka hartuar një akademike nga Maqedonia e Veriut, dhe për atë pjesë ai nuk merr përgjegjësi, përbën një skandal intelektual dhe etik.
Shkenca nuk është ndarje me “copëza” individuale, por proces i përbashkët. Çdo artikull shkencor është produkt kolektiv, i cili nuk publikohet pa u miratuar nga të gjithë autorët bashkë. Përgjegjësia akademike është gjithmonë e përbashkët dhe e pandashme. Të thuash ndryshe, është ose injorancë, ose manipulim i qëllimshëm.
Unë vetë, në bashkëpunim me akademikë të njohur botëror, jam pjesë e artikujve shkencorë ku çdo fjali diskutohet, korrigjohet dhe miratohet së bashku. Përgjegjësinë gjithmonë e ndajmë të gjithë. Ky është standardi i pakapërcyeshëm i etikës shkencore ndërkombëtare.
Prandaj, pretendimi i Dimal Bashës është jo vetëm i pavërtetë, por një rrenë e kulluar, e cila dëmton besimin publik, fyen integritetin e shkencës dhe zhvesh nga serioziteti institucionin që ai përfaqëson.
Deri kur ne do të pranojmë që mashtrimi të paraqitet si meritë?
Deri kur rrena do të përdoret si dekor politik?
Deri kur kështu…?
(Foto ilustrim)
