Boksieri nga Kosova, Ardian Krasniqi, nipi i legjendës së boksit, Luan Krasniqi, sonte ka treguar zemër të madhe në përballje me argjentinasin Diego Ramirez.
Ardian Krasniqi si i çartur në rundin e katërt, me një goditje të fuqishme e hodhi në nokaut argjentinasin..
Ramirez mbetet i ulur dhe nuk mundi të ngritej, kësisoj Krasniqi feston fitoren e madhe dhe po shkon drejt rrugës për titulline botës.
Përballje që u zhvillua në Stuttgart të Gjermanisë në kuadër të kategorisë gjysmë të rëndë për WBO International.
Rundi i parë me rivalitet mes Krasniqit dhe Ramirez, pati disa goditje të fortë ndaj njëri – tjetrit.
Edhe rundi i dytë u karakterizua me rivalitet dhe qoftë njëri boksier qoftë tjetri, kishin kujdesin e shtuar.
Krasniqi ishte më i mirë në rundin e tretë se sa argjentinasi.
Rundi i katërt ishte fatal për argjentinasin, nokautohet nga trim i Kosovës.
Ardian Krasniqi ka 11 meçe në karrierën e tij, duke i fituar të gjitha me nokaut.
Në anën tjetër, kundërshtari i tij, Ramirez ka 27 fitore, gjashtë me nokaut, derisa ka pësuar 13 humbje, 5 me nokaut. /K.Goca