Austria është investitori i katërt më i rëndësishëm, për nga vlera e flukseve të reja që injektoi në ekonominë shqiptare gjatë vitit 2024.
Sipas të dhënave nga Banka e Shqipërisë, stoku i investimeve austriake në fund të vitit 2024 shënoi vlerën 875 milionë euro, në rritje me 15% krahasuar me vitin 2023.
Investimet austriake në Shqipëri janë të përqendruara sidomos në tregun e sigurimeve, në sektorin energjetik, në shërbimet e hotelerisë, ndërtimit, etj.
Ndërkohë, për vitin 2024 fluksi i investimeve të reja austriake regjistroi shifrën 119 milionë euro, vlerë kjo e përafërt me një vit më parë, njofton oranews.
