Prodhuesi amerikan i avionëve Boeing po dhuron një milion dollarë për inaugurimin e presidentit të sapozgjedhur amerikan Donald Trump, tha zëdhënësi i kompanisë.
Kështu, Boeing i bashkohet shumë kompanive të mëdha amerikane, duke përfshirë General Motors, Ford, Microsoft dhe Meta, në dhurimin për inaugurimin e Trump më 20 janar, raportoi Reuters.
American Airlines konfirmoi të enjten se po dhuron gjithashtu 1 milion dollarë.
Kompania amerikane e teknologjisë Google njoftoi gjithashtu se ka dhuruar 1 milion dollarë për fondin inaugurues të Trump.
Boeing ka dhuruar më parë 1 milion dollarë secili për tre inaugurimet e fundit presidenciale, përfshirë inaugurimin e parë të Trump në 2017, njofton euronewsal.
