Teksa po ofrohet 11 maji, dita e mbajtjes së zgjedhjeve të përgjithshme parlamentare në Shqipëri, ambasada amerikane në Tiranë ka shpërndarë në rrjetin social Facebook një deklaratë të zv.presidentit të Shteteve të Bashkuara të Amerikës J.D.Vance në kuadër të demokracisë dhe rëndësisë së votimit.
Sipas Vance, demokracia qëndron mbi parimin e shenjtë se zëri i qytetarëve ka rëndësi, dhe se sipas tij, nuk ka vend për pengesa.
“Demokracia qëndron mbi parimin e shenjtë se zëri i njerëzve ka rëndësi. Nuk ka vend për pengesa. Ose i përmbahesh këtij parimi, ose jo”, ka cituar fjalët e zëvendëspresidentit të Shteteve të Bashkuara J.D. Vance, ambasada amerikane në Tiranë, njofton rtk.
