Presidentja e Kosovës, Vjosa Osmani, ka shprehur publikisht mbështetjen e saj ndaj Shtetet e Bashkuara të Amerikës pas sulmit të ndërmarrë ndaj Iran, duke e cilësuar momentin si një kthesë drejt lirisë për popullin iranian.
Në një reagim të publikuar në platformën X, Osmani theksoi se “ka ardhur ora e lirisë për popullin e Iranit, falë udhëheqjes së Shteteve të Bashkuara dhe Presidentit Donald Trump”. Ajo shtoi se Republika e Kosovës qëndron “pa luhatje” përkrah SHBA-së dhe aleatëve të saj në mbrojtje të lirisë, paqes, sigurisë dhe stabilitetit global.
Presidentja dënoi gjithashtu sulmet që, sipas saj, regjimi iranian ka kryer ndaj aleatëve të Kosovës në Lindjen e Mesme, duke theksuar se veprimet e ndërmarra nga SHBA-ja dhe partnerët e saj synojnë t’i japin fund destabilitetit në rajon.
“Do të vazhdojmë të mbështesim veprimet e ndërmarra nga Shtetet e Bashkuara dhe aleatët e tjerë për t’i dhënë fund regjimit iranian dhe për të dhënë një mundësi lirisë dhe paqes”, ka deklaruar Osmani.
Qëndrimi i presidentes rikonfirmon orientimin e qartë euroatlantik të Kosovës dhe aleancën e saj strategjike me Shtetet e Bashkuara, në një kohë tensionesh të shtuara në Lindjen e Mesme, transmeton rtk.
