Në vijim të reagimit të tij në Truth Social, Presidentit SHBA Donald Trump, ka thënë se sipas tij Irani premtoi ta hapte Ngushticën e Hormuzit me vetëdije dhe nuk e ka bërë ende këtë. Trump thotë gjithashtu në vijim të reagimit të tij të parë, se veprimi ushtarak i SHBA-së parandaloi një luftë e cila mund të shkaktonte 50 milionë viktima dhe nga ana tjetër bën thirrje që Ngushtica e Hormuzit të hapet sa më shpejt.
Më tej Presidenti SHBA thotë se Irani nuk do të ketë kurrë një armë bërthamore.
Vijimi i reagimi të Trump në Truth:
Irani premtoi të hapte Ngushticën e Hormuzit dhe me vetëdije nuk e bëri këtë. Kjo shkaktoi ankth, zhvendosje dhe vuajtje për shumë njerëz dhe vende anembanë botës. Ata thonë se kanë vendosur mina në ujë, edhe pse e gjithë marina e tyre dhe shumica e mjeteve të tyre për vendosjen e minave janë shkatërruar plotësisht. Mund ta kenë bërë, por cili pronar anijeje do të donte të rrezikonte? Ka një turp të madh dhe një dëmtim të përhershëm të reputacionit të Iranit dhe të asaj që ka mbetur nga “udhëheqësit” e tij, por tashmë jemi përtej kësaj. Siç premtuan, duhet të fillojnë menjëherë procesin për ta hapur këtë RRUGË NDËRKOMBËTARE UJORE DHE SHPEJT! Ata po shkelin çdo ligj të mundshëm. Unë jam informuar plotësisht nga Zëvendëspresidenti JD Vance, i dërguari special Steve Ëitkoff dhe Jared Kushner, për takimin që u zhvillua në Islamabad nën udhëheqjen e sjellshme dhe shumë kompetente të Field Marshal Asim Munir dhe Kryeministrit Shehbaz Sharif të Pakistanit. Ata janë burra të jashtëzakonshëm dhe më falënderojnë vazhdimisht që kam shpëtuar 30 deri në 50 milionë jetë në atë që do të kishte qenë një luftë e tmerrshme me Indinë. E vlerësoj gjithmonë ta dëgjoj këtë — niveli i humanizmit për të cilin flitet është i paimagjinueshëm.
Takimi me Iranin filloi herët në mëngjes dhe zgjati gjatë gjithë natës afërsisht 20 orë. Mund të hyja në shumë detaje dhe të flisja për shumë gjëra që janë arritur, por ka vetëm një gjë që ka rëndësi — IRANI NUK ËSHTË I GATSHËM TË HEQË DORË NGA AMBICIET E TIJ BËRTHAMORE! Në shumë mënyra, pikat për të cilat u ra dakord janë më të mira sesa vazhdimi i operacioneve tona ushtarake deri në fund, por të gjitha këto nuk kanë rëndësi krahasuar me lejimin që fuqia bërthamore të jetë në duart e njerëzve kaq të paqëndrueshëm, të vështirë dhe të paparashikueshëm. Tre përfaqësuesit e mi, gjatë gjithë kësaj kohe, u bënë jo çuditërisht shumë miqësorë dhe respektues ndaj përfaqësuesve të Iranit, Mohammad-Bagher Ghalibaf, Abbas Araghchi dhe Ali Bagheri, por kjo nuk ka rëndësi sepse ata ishin shumë të palëkundur në çështjen më të rëndësishme dhe, siç kam thënë gjithmonë, që në fillim dhe prej shumë vitesh, IRANI NUK DO TË KETË KURRË NJË ARMË BËRTHAMORE! , transmeton euronewsal.
