Zvicra ka shprehur gatishmërinë për të pritur një takim të nivelit të lartë ndërmjet presidentit të sapozgjedhur amerikan, Donald Trump, dhe presidentit rus, Vladimir Putin, shkruan “Panorama”. Nicolas Bideau, kreu i komunikimit në Ministrinë e Jashtme të Zvicrës, gjatë një prononcimi për gazetën “Le Temps”, duke iu referuar samitit të paqes të mbajtur në Zvicër në qershor, deklaroi se pas samitit, Ukraina, Rusia dhe Shtetet e Bashkuara të Amerikës janë informuar rregullisht për gatishmërinë e Zvicrës për të lehtësuar iniciativat diplomatike. Nuk janë caktuar plane apo data konkrete, megjithëse Rusia bëri të ditur se çdo takim ballë për ballë do të ndodhte vetëm pas betimit të Trump më 20 janar. ( Foto nga VCG)
