/ Nga: Dashnim HEBIBI, Zürich/
Nderim dhe Mirënjohje për Luftëtarët e Lirisë – Vigan Berisha pret z. Nura në Konsullatën e Republikës së Kosovës në Cyrih
Në një takim të mbushur me emocion dhe respekt, Shefi i Misionit Konsullor të Republikës së Kosovës në Cyrih, z. Vigan Berisha, priti z. Izmit Nura – ish-ushtar i Ushtrisë Çlirimtare të Kosovës dhe një nga dëshmitarët e gjallë të sakrificës për liri.
Në moshën vetëm 18-vjeçare, djali i vetëm i familjes Nura nga Struga, Izmiti, iu bashkua radhëve të UÇK-së në një kohë kur Kosova kishte më shumë nevojë se kurrë. Sot, pas shumë vitesh, ai vazhdon të mbajë mbi supe barrën e kujtesës historike dhe nderin e lirisë që e gëzojmë.
Takimi me z. Nura ishte më shumë se një nderim për të kaluarën – ishte një rikujtim i fuqishëm se liria nuk ishte dhuratë, por një amanet i përhershëm që brezat duhet ta ruajnë me përkushtim.
Z. Berisha shprehu mirënjohjen e thellë të institucioneve të Republikës së Kosovës për kontributin e paçmuar të luftëtarëve të lirisë dhe theksoi rëndësinë e mbajtjes gjallë të kujtesës historike, veçanërisht në diasporë.
Lavdi dëshmorëve!
Nderim të përjetshëm luftëtarëve të lirisë!
