/ Nga: Dashnim HEBIBI/
Berlin, 9 Prill 2025 – Ambasadori i Republikës së Maqedonisë së Veriut në Gjermani, Shkëlqesia e Tij Në këtë takim miqësor e përmbajtësor, Ambasadori Sela i përshëndeti bursistët duke shprehur krenarinë dhe mbështetjen e plotë për përfshirjen e tyre në këtë program prestigjioz. Ai theksoi rëndësinë e këtij angazhimi për zhvillimin profesional dhe personal të të rinjve, si dhe për forcimin e marrëdhënieve ndërmjet Maqedonisë së Veriut dhe Gjermanisë.
“Ky është një rast i jashtëzakonshëm për ju që të njiheni nga afër me funksionimin e sistemit parlamentar gjerman, të ndërtoni përvoja të reja dhe të krijoni ura bashkëpunimi për të ardhmen,” u shpreh Ambasadori Sela.
Programi IPS ofron të rinjve nga e gjithë bota mundësinë të ndjekin punën e përditshme të anëtarëve të Bundestagut dhe të marrin pjesë në ligjërata universitare, duke kombinuar teorinë me praktikën në një ambient demokratik dhe multikulturor.
Ambasada e Republikës së Maqedonisë së Veriut në Berlin mbetet e përkushtuar në mbështetjen e të rinjve dhe në avancimin e bashkëpunimit ndërmjet të dy vendeve në fushën e edukimit dhe zhvillimit institucional.
SAM24.info