Shoqata Akademike e Shqiptarëve për Shkencë dhe Art (AKADEMIA) do të mbajë Konferencën e VII-të Shkencore me temën “Shqiptarët në Maqedoni – Jeta urbane dhe rurale”, e cila do të zhvillohet më 25 tetor 2025, në Hotel Mercure, kati i tretë (salla Fortiana), duke filluar nga ora 10:30.
Në këtë ngjarje të rëndësishme akademike do të marrin pjesë personalitete të njohura të botës shkencore dhe akademike shqiptare, si dhe përfaqësues të institucioneve shtetërore dhe lokale.
Mysafirë nderi të konferencës do të jenë akademikët:
- Neritan Ceka
- Xheladin Murati
- Fatos Tarifa
Ceremoninë e hapjes do ta bëjnë Hasan Jashari dhe Zeqir Kadriu, ndërsa fjalët përshëndetëse do t’i mbajnë:
- Z. Izet Mexhiti, zëvendëskryeministër i parë në Qeverinë e RMV-së
- Z. Bilall Kasami, kryetar i Komunës
Në sesionet e konferencës do të prezantojnë punimet e tyre studiues të njohur nga fusha të ndryshme, përfshirë:
Prof. Dr. Ali Pajaziti, Prof. Dr. Muhamed Jashari, Prof. Dr. Mustafa Ibrahimi, Prof. Dr. Ibish Kadriu, Prof. Dr. Shemsi Krasniqi, Prof. Dr. Mersim Maksuti, Prof. Dr. Abdulla Azizi, Prof. Dr. Xhemaludin Idrizi, Prof. Dr. Zeqirja Rexhepi, Prof. Dr. Qufli Osmani, Prof. Dr. Muhamed Halili, Prof. Dr. Suzana Aliu, Prof. Dr. Ardita Abduli, Prof. Dr. Florim V. Ajdini, Prof. Dr. Rabije Murati, Prof. Dr. Zeqirja Idrizi, Prof. Dr. Zeqir Kadriu, Prof. Dr. Nebi Dervishi, Prof. Dr. Miranda Rira dhe Prof. Dr. Hasan Jashari.
Qëllimi i kësaj konference është të trajtojë në mënyrë shkencore e shumëdimensionale pozitën e shqiptarëve në Maqedoninë e Veriut, me fokus të veçantë në zhvillimet urbane dhe rurale, sfidat socio-ekonomike, kulturore dhe arsimore, si dhe dinamikat e bashkëjetesës dhe zhvillimit rajonal.
Konferenca pritet të shërbejë si një platformë e rëndësishme shkëmbimi idesh ndërmjet akademikëve dhe institucioneve, duke kontribuar në forcimin e identitetit shkencor dhe kulturor shqiptar në rajon. / SAM24.info