Shkodra është shpallur qyteti evropian i sportit 2025. Lajmin e ka dhënë nga Parlamenti Europian në Bruksel, kryetari i Bashkisë së Shkodrës, Benet Beci.
Ai tha se “ky është një vlerësim i rëndësishëm për qytetin tonë që tashmë, veç një njohjeje ndërkombëtare, do të përfitojë nga ky bashkëpunim për përmirësimin e politikave sportive lokale, mundësinë e granteve nga Bashkimi Evropian, shkëmbimin e përvojës me qytete të tjera evropiane e mbi të gjitha gjallërimin e jetës sportive në qytet”.
Pritet që qyteti i Shkodrës të ketë një seri aktivitetesh që do ta shndërrojnë vitin e ardhshëm në një qendër të madhe kampionësh në shumë disiplina sportive. / rtsh.al /
