/ Nga: Dashnim HEBIBI /
Winterthur, 17 maj – Shoqëria Kulturore-Artistike “Dardania” po përfaqëson me dinjitet dhe krenari kulturën tonë, jo vetëm në Zvicër, por edhe në skenat ndërkombëtare.
Me një program të pasur artistik dhe koreografi mbresëlënëse, anëtarët e SHKA “Dardania” kanë rrëmbyer duartrokitjet e publikut në mesin e shumë kombeve, përfshirë dhe zviceranët në Winterthur.
Veshjet tradicionale kombëtare kanë lënë një përshtypje të jashtëzakonshme, ndërsa përgatitja profesionale dhe paraqitja dinjitoze e grupit ka bërë që të marrin vlerësime të larta.
Presidenti i shoqërisë, së bashku me familjen e tij z.Shefqet Cakolli, ka ndjekur çdo detaj të organizimit, duke dëshmuar përkushtimin dhe seriozitetin e vazhdueshëm të SHKA “Dardania”.
Pas suksesit të radhës, aktivitetet nuk ndalen! SHKA “Dardania” pati dy performanca në Winterthur: e para ishte nga ora 16:00 deri në 16:30, dhe tjetra do të jetë nga ora 19:00, në AM Gleis – Winterthur, si pjesë e festivalit të njohur dastanzfest.ch/winterthur.
Z. Cakolli, duke ndjekur nga afër provat, tha: “Të rinjtë dhe të rejat tona po na përfaqësojnë me krenari. Jemi të përgatitur me një program të pasur dhe presim fjalë të mira. Falënderojmë të gjithë anëtarët, prindërit dhe të gjithë ata që na kanë mbështetur ndër vite. Ne nuk do të ndalemi, sepse kemi shumë për të treguar!”
Një falënderim i veçantë i shkon edhe shtetit zviceran për përkrahjen institucionale, si dhe ty Dashnim Hebibit dhe tash stafit të sam24.info – Swiss Albanian Media, që vazhdimisht përcjellin punën e palodhshme të SHKA “Dardania”.
SH.K.A. “DARDANIA” – 30 VITE TRADITË, KRENARI DHE PËRFAQËSIM I DENJË NË ARENËN NDËRKOMBËTARE!