/ Në Maqedoni të Veriut dhe ndërkombtarisht.
Universiteti i Evropës Juglindore (UEJL) vazhdon të afirmohet si qendër e ekselencës akademike, falë arritjeve të stafit të tij. Prof. Dr. Veland Ramadani, profesor në Fakultetin e Biznesit dhe Ekonomisë në UEJL, është renditur i pari në Maqedoni dhe ndër 1500 shkencëtarët më të mirë në botë në fushën e Biznesit dhe Menaxhimit, sipas edicionit 2025 të renditjes globale të publikuar nga platforma akademike prestigjioze https://research.com/scientist…/business-and-management/mk.
Ky vlerësim bazohet në D-indeksin (Discipline H-index), një metrikë që llogarit vetëm publikimet dhe citimet akademike brenda fushës specifike të studimit. Në listë janë përfshirë vetëm shkencëtarët me një D-indeks prej së paku 30, duke e bërë këtë arritje një dëshmi të fuqishme të kontributit të Prof. Dr. Ramadani në zhvillimin e shkencës së menaxhimit.
Ky sukses jo vetëm që e pozicionon Prof. Dr. Ramadani ndër akademikët më të respektuar ndërkombëtarisht, por edhe forcon imazhin e UEJL si universitet që prodhon dhe mbështet kërkimin shkencor me ndikim global./UEJL
